今日係返工前晨咁早撲入去諗住飲頭啖湯...點知...石利洛個counter竟然將2部S/No.0003&0004既Zeiss Ikon封到有咁密得咁密...連catalogue都無(唔好話一本,一張都無),好無耐咁係佢個counter兜左幾個圈,囉鬼哂D蝦仔catalogue(本本好似書咁...真大細超),重玩埋有生之年都應該會係玩過最貴既H系...最後死唔斷氣咁又番去ZI度同個哥仔吹下...都係唔俾玩,不過就俾我發現到一個ZI既大秘密...可能好多人都知不過我就唔見有人講過,唔講住,等PIA完左先
無計,情場失意唯有慍二奶救火,第二時間撲去Leica度...MP、M7、R9-DMR三部勁野坐哂冷板無人吼...做人就係咁交叉,有乜辦法第三者永遠都是一針見血,真係一時間唔知玩邊個先好...由於決心學影相,第一時間抱起部MP...唔...真係未玩過都講唔出個種...虛榮+全世界在我腳下既感覺,真係唔係講笑,個心"支"一聲笑出黎,我呢D草根就係咁上下,死而無憾矣
玩完手動玩被動,真係又唔同D...係咁mount係咁禁係咁聽D快門聲...我就聽到出哂耳油,呀哥仔可能見我反得咁過癮又好似好專業咁咁佢又好專業咁一幅無問題既樣唔理我...大家既然咁夾我唯有幫襯埋DMR...連拍唔算快不過手感又係個句...唔講啦,我又唔係賣緊廣告,不過佢有"摩爾紋"消除function...小第真係見識少...佢仲即場示範,皆因小第著左件黑白灰細格仔衫,D數碼機見到呢D色實掉頭走...可能燈光問題個效果好似無乜分別(係on同off都無見有摩爾紋)
第三樣最難忘係RD-1...個D手感真係又唔咋個都唔知原來咁好咋...真係份量十足,本catalogue(要主動問佢拎,其他好多都係要玩主動)一定係全場之冠,全黑硬皮大大本設計精美唔拎對唔住Epson完全係誠意之作,不過D function同menu對於第一次接觸就真係比較難對付,起初撲去Epson度玩點知得一部仲要係for model姐姐手咋俾人影...等佢咋完我緊係第一時間同哥仔話要反啦...騎騎...不過Epson D sale可能對部機應真少認識(無諗過竟然會有人想玩),又難用,我唯有係咁意咋一陣應付完就走左去
行黎行去得閒返去又望下部ZI又拆下部MP(我拆左佢支鏡同菲林倉)...唔好誤會,我絕對係用好愛惜同欣賞既態度去玩,呢D絕對係藝術品,只恨自己唔長進傘。行行下係Ricoh度見到部RD-1
見呀哥仔個樣好似睇穿我咁好醒目即刻拎上手示意我又可以盡情咁咋佢...我見仲有少少時間緊係上啦,唔...呢次有專人教路真係好玩幾倍,直情係爽啦...原來好多function玩(無理由數碼野唔玩function嘛),不過我問左個幾stupid既問題,點解Ricoh有Epson既RD-1反...點知有個4眼佬係個display後面偷聽完仲鬼鬼鼠鼠咁跳出黎笑住答我話Ricoh係香港代理4隻相機牌子...Ricoh,xxx(老人癡呆+把幾火唔記得喇),Epson既RD-1同埋.......福倫達全線...咦
又知多樣喎...唔知響邊樹道聽途返黎話福仔無行貨無代理云云...可能自己眼花...即時鈞起當初對R2A既不忠...我問佢大家佬話過係佢保喎...佢話唔知啦...不過你問我我都係叫你去大家佬買架啦~~真係
太長重有好多不能盡錄不過驚會嚇襯街坊以為我未掂過相機,其實寫少少野想令自己都覺得年年去呢D show係無錯...講真$20又多禮品又可以玩到一D無乜可能感受到既機就真係好正...亦令到自己發掘返以前盲目學人追機既難忘心態,$20都解唔少毒啦,又玩得開心,希望各位師兄可以享受享受
P.S.我絕對唔係為誰賣廣告,如版主覺有問題請隨意修改